COVID-19 (俗稱:武漢肺炎) 搞到全球恐慌，旅遊業，航空業，製造業，差不多係你諗到嘅各行各業都大停頓，各國政府為咗拯救經濟，紛紛啟動無限 QE (中央銀行不停買入證券，債券等等，使資金進入銀行體系，由於銀行存放大量資金，亦都需要為資金找出路，因此銀行大量借款給企業，個人等以支持實體經濟。同一時間大量減息，使到貸款利率跌至極低水平[部分國家甚至是負利率] )。
由於市場上出現了大量嘅資金，但實體嘅出產並沒有同步的增加， 最後只會得出一個結果，就係你手上嗰張銀紙購買力不斷下跌(諗起都好得人驚)， 雖然喺手上嗰張一百蚊仍然都係一百蚊，但係到買嘢嘅時候要用多幾張銀紙先買得到相同嘅東西。 財自唔想手上嗰張一百蚊不停縮水，想到一個方法保住佢嘅購買力，就係將動產 (現金) 轉為不動產 (樓)。 呢個世界淨係得個想字係冇用嘅，於是財自有實際嘅行動，就係某個星期日捉埋老婆一早走咗去一個大屋苑行咗兩轉，見到其中一個單位光光猛猛，企企理理，開開揚揚，樓價仲... 哈哈! 於是乎取出身上嘅支票簿，大字一揮，就係咁就買咗個不動產 la (而家想返真係好似買棵菜咁...)。 希望今次我嘅投資係正確 la，我打算長線持有用來對抗通脹， 應該 10-20 年都唔會放的。
大家仲諗到乜嘢方法應對無限 QE 引發嘅通脹呢? 不妨喺度彼此分享!
真係強,由打工仔做期權股票後仲有咁多子彈買樓。。。 當然你無捉mortgage, 但都好強咁多cash...教下我打工以外點最近可以生金蛋
回覆刪除Winkins， 我唔強呀，我由出來打工到而家都係低收入人士 (講真的)，手上的股票都因現在情況而出現虧損，最大的心得就係不停不停買入會生金蛋的雞，因為必有一天會出現盈利(其實我不大理會 profit or loss)。
刪除股票期權我現在反而少沽，因為我需要用現金來買樓，如果股市再跌而我需要接貨的話就瓜得(投資需要量力而為)，投資想賺快錢不會出現在我身上 (因為炒股水皮)。買股票係最緊要，期權係加速的助燃劑，樓係我床下底嘅鐵罐(用來收埋私己錢)，投資就係咁簡單了!
問多句, 你點睇買匯控收息個班或單一投資因為我見好多時單一隻投資加期權長期人一獲输死或蝕價賺息?
回覆刪除放 d 雞蛋去不同的地方，係最好的方法吧! 這個都係經驗，努力分散，唔好一次被 KO 都係要學下的。
回覆刪除HSBC 跟好多全球銀行一樣，愈來愈差，我都有 HSBC，但唔會再加注了。
你買樓要比額外印花稅嗎?
回覆刪除唐老鴨，唔洗 la，買樓唔一定要用自己的名買的，he he he!
回覆刪除