牛仔死得7788

今日港股經歷了一次小股災，如果你問我見底未，我會回答你: [我點知呀! 你要問下個美國狂人好過。] 一次又一次用強暴的方法打壓全世界，整完中興，原本以為罰重款冇事咩 (其實已經重傷入 ICU)? 罰完你又再計劃整死你。 除左想整死你中興咩? 上次已經話對中國 500億的貨品開額外關稅，果頭都未開，這頭又變了 2000億美元的貨品開額外關稅，不如直接同中國講你每年送3幾千億美金比我洗下仲直接 la，不用攪咁多東西出來。 反正美國的軍事比你強，問你死未?

講完全球最惡的惡霸，等我講下香港的動物園先，話說今天香港的動物園有鱷魚出沒，咬死了一大批牛仔，大隻牛又死，未養熟嘅牛又死，今次真係有排都未有牛 BB 出世 la。 看看香港的動物園內仲有幾多牛仔僥倖生存先，嘩! 原來真係死得咁慘，連重貨區 29300-29399 的街貨數目得返 94張期指(正常有幾百，有時更多至千張)，真係可以話係清倉咁款，照咁睇鱷魚應該食飽飽掛，但係會唔會再來發惡咬牛? 真係又要問問養鱷魚果班人 la。



牛熊街貨比例

看大鱷食肥牛，開大餐 (牛熊證) (二)

嘩! 唔講得笑，有七百幾萬隻牛仔一瞬間被大鱷吃掉，大鱷吃飽之後，拉隊走人，竟然放生了部分牛仔。 不過，由於附近沒有熊的蹤影，估計短時間內 700 號仔不會走得太遠了。 大家如果知道這個遊戲方式，應該很容易在市場上找到利潤，其實在市場上有很多大鱷四處周圍走，如果希望能夠在鱷口偷金的話，真係要知道自己的定位。你唯一最優勝的地方，就是跑得快好世界。 由於財自不太喜歡短炒的關係，這場屠牛表演中沒有任何參與。

看大鱷食肥牛，開大餐 (牛熊證) (一)

看大鱷食肥牛，開大餐 (牛熊證)(一)

財自其中一個興趣就是看動物的紀錄片，由於估計自己很少機會可以去看這些的野生動物，所以特別喜歡。 財自留意到鱷魚捕獵的方法，他們喜歡空群出動，於河底埋伏。 由於河邊青草長得特別茂盛，吸引了大批牛仔，俯伏吃草 / 喝水，當他們一不留神的時候，水底下的鱷魚突然發惡，極速咬著獵物，可憐河邊牛仔成為大鱷豐富大餐。

財自知道牛仔去河邊吃草 / 喝水也是迫不得已，但是如何可以避開大鱷的口呢? 當然是看清看楚大鱷隱藏的地方。 由於牛仔就是大鱷喜歡的美味食物，所以我們應該遠離牛仔聚居的地方。 現時 (2017年12月4日) 騰訊的牛仔聚居處分別是:

$380.00 - $384.99 (357.4萬股正股)，

$375.00 - $379.99 (420.8萬股正股)，

$370.00 - $374.99 (398.5萬股正股)。

各位知道牛仔的聚居處，應該知道如何避開他們啦。