十月份是股災月嗎?

打開收音機，經常聽到財經演員說十月份是股災月，究竟這話是否準確呢? 財自帶你揭開真相。

近十年來，10月份的統計資料如下:

2008  -3551  -19.86%

2009  +252        1.2%

2010  +832      3.72%

2011 +2008    11.15%

2012  +666      3.21%

2013  +97        0.42%

2014  +473      2.04%

2015  +2261   11.01%

2016  -785      -3.31%

2017  +915       3.34%

嘩! 又話十月份係傳統的股災月嘅? 近十年點解會錄得 8升 2跌的紀錄?  所以話相信財演說話，可以說是與相信老美狂侵的說話一樣假，哈哈!

既然統計數據非常單純，我哋都唔好跟數據作對， 輕輕手 Short put 27600 玩下，怕死嘅朋友(我講緊我自己)，加一個 Long put 27400 做保護，進取嘅朋友絕對可以 Long Call 28000 or 28200，輸曬就算數，唔會傷入肉。

由於現時係股災時期，我都係會超細注玩下算數，唔好同佢搏命!

麥當勞 + Wechatpay HK 派錢

依家支付工具用燒銀紙嘅方法打入香港嘅市場，如果你唔接佢啲銀紙咁就笨喇。  最新一期 Wechatpay HK 與麥當勞餐廳聯手，每日派出 $10.00 電子現金券，由即日起至2018年10月8日，每次用Wechatpay HK 付款幫襯麥當勞餐廳滿 $20.00，就會送出一張$10.00 電子現金券，可以於下一次幫襯嘅時候使用，是次優惠期間最多可以攞到七張電子現金券架，由於財自差不多每天都幫襯麥當勞餐廳，所以這 $70.00 元應該係我嘅囊中物啦，hehe!

我今日就係食咗上圖嘅餐，原價 $20.00 減去 $10.00 蚊優惠，我淨係付出十元就有得食 la!

笑說江湖--彈彈神功

原來狂侵先生暫時不打七傷拳，目的係要返自己地頭去打出一套沖喜拳，打到錶舖唔發創新高，引誘哪些在老美派當中不滿現任掌門的各堂主香主支持自己的利益集團。 正所謂利之所在，嗰班堂主香主與獎門人冇殺父之仇，最多只係狂侵先生打七傷拳嘅時候誤傷咗自己，究竟佢哋會繼續支持狂侵先生蝦蝦霸霸打七傷拳? 還是唔畀面佢與他硬碰硬? 大家自己想想吧。

不過要搞到掌門人返自己地頭打佢嘅沖喜拳，佢哋籠入邊嘅雞都唔係好安靜喎，真係唔知會唔會作反呢? 其他門派見到啲咁嘅事當然都係會高興啦，仲唔趁住狂侵先生返去自己地頭嘅時候運功療傷咩，有些先前被七傷拳打到跌入谷底的，趁住呢個時候都打出一套彈彈神功 (註解: 相傳彈彈神功係一套借力打力嘅高深絕學，佢最厲害嘅特點係跌得愈勁彈得愈高，例如喺山頂上跌落七千呎，真係彈到一半三千五百呎都係平常事)。 佢哋咁樣彈法真係好玩過彈彈床架，如果內力未損嘅朋友真係可以趁呢個時候玩番轉彈彈神功架。

Short Call Dec 3988 $3.90

相隔未夠一個月，今日又見大市反彈，再 Short Call Dec 3988 $3.90，比起上個月嘅行使價，足足低咗 $0.1，今次真係越 short 越低價，不過我估計今年應該都唔會再見到呢個價錢啩。 財自實行反彈做 short call，月月冇甩拖，哈哈哈!

由於股災已經運行了八個多月，估計都行左 7成 la，係時候計劃一下 2019年的策略部署了。

塑膠回收去哪兒?

今日打開 facebook，絕大部分嘅朋友都係講緊山竹嘅破壞，財自覺得非常厭倦，不如看看另外一個話題--塑膠回收。這個問題全球政府都束手無策，這是為什麼呢? 當然又係錢作怪啦，塑膠成本，比他的回收成本更低，正常情況下沒有人去做塑膠回收吧! 看完這段片，都讓我們出些綿力，少用一些塑膠產品，救救我們的地球村吧!

笑說江湖

話說這個江湖上有個邪惡門派叫做老美派，專門蝦蝦霸霸，向別人收買路錢。 他現任的掌門人狂侵先生更加是邪惡的表表者，向各門各派嘅朋友打出威力強勁的七傷拳，眼見別派嘅好手不是口中吐血，就是倒臥在地，痛苦呻吟， 別人以為他勝券在握，輕鬆取勝的時候，那知他突然舉手罷陣，擺出一副停戰嘅姿勢，不知是否故弄玄虛。

有探子報知，這個老美派每幾年間都會有一個堂主選舉，選擇一些有能之士做各堂各香的堂主香主等等。 因早兩年前狂侵繼任做掌門人的時候，以借助別派的力量才能得以做掌門，所以其實他們當中早已不是人人順服侵狂做掌門人的， 更加因為他今次胡亂打出七傷拳，雖然別派嘅好手很多受傷倒地，但其實老美派當中受傷害更深，害到大家苦不堪言。 因此，各堂各香之中有不少好手更加不滿他向別派狂攻， 因為這個原因，這個狂侵先生不得不在本派內先鞏固自己嘅地位， 以防止各堂主各香主向他逼宮。

由於這個狂侵先生需要處理敝派自己的事務，江湖上各門派偷得一些喘息嘅空間，人們立時歡天喜地。 遠在東方嘅小島有一位智者，知道狂侵先生的計謀， 雖然這次暫停戰鬥，但係其實醞釀著一場更大嘅江湖廝殺，下次狂侵先生所打出的，可能比現在嘅七傷拳威力更大，我們學武練拳之人真係要學好練好估神的一套價值拳法。

不可輕易出拳

拳擊世界裡面，未學打人先要學挨打，畀人打到豬頭喇叭嘴而沒有瞓低的話你就係贏家。 而家老美狂侵下下出七傷拳，一時500億，一時2000億，一時又沒有上限，胡亂出拳，真係估自己係天馬流星拳咩? 雖然佢出拳越出越勁，打到啲藍籌股唔見左三至五成，其實佢喺打人嘅時候自己亦都受咗內傷。 原來中國輸出美國的商品當中，有六成也是美國企業在中國生產的，即係話你打人唔畀人出口，原來係唔畀自己嘅企業做生意，咁樣嘅打拳真係笨實，哈哈!

唔知呢個伯伯仲有幾多能力可以打出七傷拳，但我哋練拳嘅人士未學打人先學挨打，畀你打多幾千億，幾萬億的制裁又如何? 總有一日，呢個傻嘅伯伯打到自己重傷瞓低，就係我們嘅翻新機會，只要你能夠屹立不倒，所買嘅公司仍然係有利可圖，年年派息的話，怕佢打七傷拳做乜? 反而而家我哋練拳嘅人士，應該等候機會，給予市場致命的一擊，反敗為勝。 記住而家等候嘅途中千萬不可輕易出拳，浪費自己的氣力。 ^_^

幣少爺

財自唔喜歡做礦工，但身邊有朋友做緊礦工，雖然仍然未回本，但係都叫做每個月有穩定嘅加密貨幣回報。但係如果你想加速你嘅回報可以點做呢? 梗係去學幣少爺咁樣開班授徒啦。 話明想賺多啲錢，咁就梗係連坐位都唔畀你喇，坐你個紙皮箱喇，哈哈!

上到去坐住紙皮箱，畀人催住眠，催下催下，當然就係奉上你嘅血汗錢啦，正所謂橋唔怕舊，最緊要有人受。 財自左思右想確實不明白這些伎倆如何可以吸引觀眾，都係嗰句，貪字得個貧，如果唔係你貪心想賺快錢的話點會落搭受氹呢? 其實同一道理，倫敦金騙案一大堆，電話騙案一籮籮。 唔想畀人呃可以點呢? 咪就係唔好貪囉。

P2P爆煲擠提

想起貸款，一般都係諗起銀行，財務公司等，除此之外原來也有一些其他的途徑，古舊嘅如二叔公(當舖)，新潮嘅如P2P貸款等等...

財自沒有新潮嘅貸款經驗，不懂得如何參與，但原來P2P貸款在國內非常普遍(之前國家大力支持的互聯網金融政策)，只要你有身份證就可以參與貸款的角色與及借款的角色，仲要係可以自己定立貸款的訊息，包括金額，利息，還款方式和時間，真係話都冇咁易。貸款規模更加嚇親人，有統計的數據已經超過HKD1,500,000,000,000.00，原來咁多人收埋啲私己錢冇定洗要攞去借出街，哈哈!

由於P2P貸款的規模不受限制，已經達到不受控的地步，按照強國政府嘅思維，梗係乜都鍾意監管啦，當然又係一管就爆，而家咪又係爆到好似倉庫失火咁囉，怪唔得知陸金所都要押後上市啦。 這個爆破，又遇上老美狂侵嘅貿易戰侵略，真係不知道下年的經濟會如何的差勁。 都係嗰句，我們都要自求多福。

Short Call Dec 941 $85.00

現時股災已經確認，不要期望一時三刻可以拗腰反彈，直線上升。 現時最容易賺錢嘅方法梗係向下買啦，而家藍籌股普遍下跌，趁著 941 相對跌得少，昨天開了 SC Dec 941 $85.00，收一些零用錢兼且過下日晨，應該唔會蝕本啩。 ^_^

美團燒銀紙

美團老點是中國領先的燒銀紙服務業電子商務平台。 美團老點用科技連接消費者和老闆，提供服務以滿足老闆日常”圈錢”的需求，並進一步擴展至多種生活和旅遊服務。2017年，在美團老點平台完成的交易筆數超過58億，交易金額達人民幣3,570億元。 同年，美團老點為全國 x,xxx 個市縣的 xx億名交易用戶和約 xxx 萬年度活躍商家提供了服務。 按 2017年燒銀紙 18,987,881,000 人民幣計算，將會快速燒完今次圈錢所得。

講完以上的報導，如果你仍然希望被圈錢燒銀紙的話，祝你好運!

股災進行中，企鵝被劏的時候

老美狂侵狂攻貿易戰 / 貿易封鎖戰 ，打到世界大亂，一個一個小國貨幣應聲倒下， 連強國的股市也不能倖免，而我們香港嘅股王企鵝仔更加受到教育部及新聞出版署等八部委聯合印發表的 (綜合防控兒童青少年近視實施方案) 而畀人劏到一頸血，由年初的高位接近五百元跌到現在的三百元多 dd，令人看到不寒而慄，重倉的朋友只能夠自求多福。

股市狂跌之下，我們所做的不應該是投機博反彈，而係應該保留實力，等待大使出現曙光的時候尋找投資的良機。 個人覺得今次股市大幅下調的主要原因係美國狂侵個人邪惡，向全球多國發動嘅貿易戰 / 貿易封鎖戰而起，我們需要等待邪惡狂人倒下，股市才會漸見曙光。 由於老美狂侵仍然有兩年多的時間發惡，所以今次熊市不期望會在短時間內結束，我們需要做嘅就係把漁船駛迴避風塘吧。 由於財自需要保留實力，預計本年餘下嘅時間也不會貿然入市，浪費彈藥。 唯一可以做嘅就係反彈嘅時候開 Short Call，賺番一些零用錢。得閒嘅時候去享受一下人生好過日日睇股市。