老美狂侵狂攻貿易戰 / 貿易封鎖戰 ，打到世界大亂，一個一個小國貨幣應聲倒下， 連強國的股市也不能倖免，而我們香港嘅股王企鵝仔更加受到教育部及新聞出版署等八部委聯合印發表的 (綜合防控兒童青少年近視實施方案) 而畀人劏到一頸血，由年初的高位接近五百元跌到現在的三百元多 dd，令人看到不寒而慄，重倉的朋友只能夠自求多福。
股市狂跌之下，我們所做的不應該是投機博反彈，而係應該保留實力，等待大使出現曙光的時候尋找投資的良機。 個人覺得今次股市大幅下調的主要原因係美國狂侵個人邪惡，向全球多國發動嘅貿易戰 / 貿易封鎖戰而起，我們需要等待邪惡狂人倒下，股市才會漸見曙光。 由於老美狂侵仍然有兩年多的時間發惡，所以今次熊市不期望會在短時間內結束，我們需要做嘅就係把漁船駛迴避風塘吧。 由於財自需要保留實力，預計本年餘下嘅時間也不會貿然入市，浪費彈藥。 唯一可以做嘅就係反彈嘅時候開 Short Call，賺番一些零用錢。得閒嘅時候去享受一下人生好過日日睇股市。
你好，我9月sp了企鵝12月@320呢，要否平倉，定等下先呢？
回覆刪除Hello Js K，9月 SP了企鵝12月@320，都好危險下，夜期現在已經 26xxx 點，分分鐘明天都有機會見到這個價。
刪除我唔知道你的倉位有多大 (希望不多 la)，會否因企鵝下跌而影響心情。 如果你是 9月份才開倉的話，你應該對企鵝仔好有憧憬才落注，但一下注就遇上大跌 700多點真係會打亂部署。
企鵝屬於增長類的股票，我一般不會用它來作收期權金之用。 這類股票波幅巨大，如果買賣的話我多數用 Long 來操作。 用 Long 來操作即係短炒，短炒會用短炒的方法: 你預期會在該股票身上賺十蚊的話，最多的止蝕金額也會是十蚊，即係你收 $10.00 期權金的話，最多你會比佢虧損 $10.00。 (如果你用 Short 來短炒的話情況也相似)
但如果你對企鵝有信心並可以接受長期持有的話(我估計你的實際接貨價在 $300.00 以下)，由他自由上落，即使穿 $300.00 也不用理會。
我不希望我寫幾隻字就會影響你的買賣決定，所以不會直接說出投資建議。 希望你能在這次下跌中有所學習與得著。
謝謝意見，好彩買得好少😅，但承認這是一個當時冇冷靜考慮的決定。
回覆刪除而家股災進行中，真係唔好亂出手呀...
刪除