2018年8月29日 星期三

買升又買跌的 9月份


過往十年9月份的升跌紀錄如下:

2008  -3092
2009  +915
2010  +1641
2011  -2193
2012  +1209
2013  +1502
2014  -1512
2015  -1056
2016  +723
2017  -673

過往十年錄得五升五趺的紀錄,即係同買大細嘅機會一樣,但如果再看上下波幅又會如何呢?

2008  4689點或 22.36%
2009  1831點或 9.11%
2010  1702點或 8.21%
2011  3205點或 15.86%
2012  1343點或 6.87%
2013  1850點或 8.52%
2014  1645點或 6.65%
2015  1244點或 5.76%
2016  1348點或 5.86%
2017  794點或 2.83%

以上資料發現驚人的訊息,就是每逢9月份,除了2017年以外,所有年份的上下波幅也是超過1000多點或是超過 5%,即係如果你唔知九月份升定跌的話,兩邊買曬,多數都有斬穫呢(希望今年唔會咁黑仔,好似2017年咁樣咁少波幅啦)。 明天 30日收市前買入最接近收市價的 Long Call 及 Long Put 守下門口,到 9月尼尾再看看有否利潤先,哈哈!


2018年8月27日 星期一

Short Call Nov 3988 @$4.00


臨近結算,今日見在股災下反彈成六百點,心血來潮做了一些 Short Call Nov 3988 @$4.00,收返一些零用錢洗下,希望可以袋袋平安啦。 弊傢伙啦! 夜期再升多200幾點喎點算好呢? 明天見佢再升的話,當然再做多些 Short Call,收多啲零用錢洗啦 ^_^

2018年8月23日 星期四

亞運銀牌(女子4 x 100混合接力泳)


亞運銀牌(女子4 x 100混合接力泳)

梗頸四都可以變第二,做人有時都可以享受一下符碌的喜悅。 我講緊嘅就係今年亞運香港女子游泳選手陳健樂,歐鎧淳,鄭莉梅,楊美珍於本年的亞運會女子4 x 100混合接力泳奪得戲劇性的銀牌,靚女歐鎧淳更加打破自己保持的100米背泳香港紀錄,真係可喜可賀

他們於泳池嘅四分鐘,真係台下嘅十年功,明知自己的實力是在別人之下,但是憑著一顆永不放棄嘅決心,一下一下嘅遊出第四名衝線,在等待公佈結果嘅一刻,遲遲仍未有結果,等下等下,等出來的結果就是第三名的韓國選手犯規被取消資格,這一刻香港由第四名變為第三名可以取得銅牌,真係開心啦。 更加令人興奮嘅就係等多一陣,原本第二名的中國隊也被取消資格,就係咁香港游泳隊相隔二十四年後,再次取得亞運會的銀牌。 這一刻真係超級開心呢 ^_^

其實在投資路上,有時真係都需要符碌一下,你左計右計,原本嘅預期未必會達到,但係有陣時無心插柳下反而有意外的收穫。 希望大家能夠面對到災嘅時候仍會開心喜樂!


2018年8月21日 星期二

PayPal KO 積分黨


PayPal KO 積分黨

今早看到數字報紙,頭版報道有人因為開了 PayPal的帳戶轉帳而被永久停帳戶,並且凍結他的資金長達半年之久。 他人好地地跟足遊戲的玩法,把錢轉入該公司屬於自己帳戶,你就停佢帳戶,更加把不屬於自己的金錢據為己用,不知道今次金管局會否出手處理事件呢?

財自忽發奇想: (首先開一間公司,做乜嘢生意都唔緊要,大前提係叫人將錢入去公司帳戶,之後用任何嘅藉口,例如消費者樣衰等,把該些金錢據為己用 [使用時間自己決定,喜歡的話18000天也可以] ,這生意肯定必賺冇賠,哈哈!) 財自想多幾想,這些賤招都係留番畀 d 賤人去做啦,財自賺錢都係取之有道吧!


報章資料:

2018年8月19日 星期日

百份之一百萬 1,000,000%

百份之一百萬 1,000,000%,究竟係乜嘢概念呢? 如果今年年頭,你需要用一蚊去買一粒糖,到年尾嘅時候,同樣的一粒糖就升到一萬蚊啦,你話係咪好得人驚呢? 我講緊嘅係委內瑞拉今年嘅通貨膨脹,一年係百份之一百萬 1,000,000%,如果我在委內瑞拉生活,看到香港股市跌咗果幾千點,簡直係濕濕碎。

香港人生活,成日掛住股票,股票同股票,股票跌果少少,就喺到牙痛咁聲,好似自己身上唔見左忽肉咁,其實放眼世界,香港簡直係天堂,沒有地震,沒有海嘯,沒有惡性通脹,又沒有老美狂侵喺度也文也武,最唔開心嘅事都係聽到隻怒發狗喺度吠姐,隻狗而家都收咗皮啦,都唔好再咁唔開心啦。 其實真係懂得享受人生嘅人,喺任何地方生活都係天堂嚟㗎。

講番股災,今次其實係一個好好嘅入市機會(不是短炒機會),喺跌市嘅時候慢慢儲貨,他日股票復活嘅時候,你真係會開心到揞住嘴笑㗎 ^_^, 希望大家都懂得笑啦 ^_^。

2018年8月15日 星期三

股災期間,最好做的節目是什麼?


股災期間,最好做的節目是什麼?

當然就係遠離股市去享受一下人生。 如果這期間成日計算自己虧損了多少,心情總不會歡唱,有的朋友希望趕快把虧損的部分追回來,越是心急,越是容易出錯,到頭來虧損反而更甚。 既然明知股災已成事實,何不等到股市跌倒四腳朝天,人人極度恐慌時才考慮出手? 這樣的話,什麼時候才是人人恐慌呢? 當你發覺身邊嘅朋友都講自己喺股票身上輸很多嘅時候,或者你發覺大市成交急跌嘅時候 (e.g.500-600),又或者你發覺市場有很多不利嘅消息但股市已拒絕下跌嘅時候,希望這個時間快些來臨啦。 我都係繼續追我的金庸小說先,bye bye ^_^

2018年8月13日 星期一

我個女今年暑期興趣班俾人蝦



小朋友放暑假,在家百無聊賴,做父母嘅梗係想佢去多啲地方學習一下或者去玩下啦,就係咁我幫我個大女去報咗一個東華三院嘅暑期班。 在班上每天都有一些遊戲,做一些小手工還有導師們教導他們做暑期作業,做父母嘅真係可以抖下氣啦

但係非常唔好彩,今年我個女參加嗰個暑期班有一個頑皮惡劣嘅小男孩,在班房裏喜歡蝦蝦霸霸,向其他小朋友惡言相向,一時鬧其他小朋友,一時把他們的小玩意破壞,我個女就係受害人之一,向東華三院投訴呢,嗰個頑劣嘅小朋友完全當導師嘅說話係耳邊風,暑期班嘅導師又唔可以打佢哋,又唔可以鬧佢哋,真係奈佢唔何

而家問題出咗嚟啦,我個女因有頑劣嘅小朋友喺暑期班入面,依家打死都唔肯再返,我付出了數以千元嘅金錢,換來嘅係女兒因有頑劣嘅小朋友蝦佢而佢就唔肯再去返呀,教我不知如何是好?  (真係好想即刻走去鬧嗰個小朋友冇家教,喺度蝦蝦霸霸....)

各位師兄,畀著係你,你哋會點樣處理呢?

2018年8月10日 星期五

港鐵換八達通



! 有新卡換,大家快 d la,再唔換卡就無得用 la 我講緊的係舊版八達通卡換卡計劃,先講這個計劃,本身已經係一個屈機計劃,你唔跟佢換卡,你就無得用八達通,無得用八達通,即係無得食飯,無得搭車,講白 d 就係無得過正常生… (講得誇張咗少少,不過都唔係完全錯得曬)

我地 d 升斗市民,都唔可以無得過生活嫁,所以都要被迫換新卡。 就係咁,財自花時間去佢個網登記資料,換返張新八達通。 la,張新卡寄到屋企,又要走去指定的八達通服務站更換新卡,去到部換卡機,又要了解一下佢點樣換卡,了解完了,跟住指示換卡,放張舊版八達通卡入去,點知螢光幕顯示 [此卡無效],唔係呀嘛,我日日用緊張卡,點解話我無效,我當然唔順氣 la,唯有再試一次,點知再試都係話我無效,如是者試了 n 次,n 次都話我無效,真係起有此理,走去客戶服務部處理。 唔去由自可,一去把鬼火,個客服哥哥仔話咁的情況要我把新舊的八達通卡交比佢,佢轉交八達通公司處理,大約十四天內會再寄新卡比我 wor,咁我即係這十幾天無得用八達通(無得用八達通,即係無得食飯,無得搭車,無得過正常生…),咁即係迫我而家買張新卡用姐,就係咁唔見左 $150.00,連同自動增值可以賺到果一百幾十,足足無左兩三舊水。 XYZ!@#$%$^$%^%&%*&

其實我無左兩三舊水,相對港鐵近日爆出的嚴重工程事故,真係小毛見大毛 la。幾百億幾百億咁比人屈,到頭來換來一單又一單的疑似斬短螺絲,做假等等,管理層嘻嘻哈哈就袋幾百萬,甚至乎係過千萬嘅年終酬金,佢哋真係開心啦(話時話,佢哋究竟係唔係一早知道做假嘅呢???) 香港人真係要自求多福啦。

2018年8月2日 星期四

回顧一下今年的五窮六絕七翻身


回顧一下今年的五窮六絕七翻身

5: 30281 --> 30057 = -224
6: 30057 --> 28497 = -1559
7: 28497 --> 28733 = +236
(以上數據是根據期結月計算)

今年的五月份下跌了224點,相信不至於窮困月吧。 至於6月份,下跌了 1559點,勉強都可以說一下是六絕了,但是七月份又如何呢? 28497點上升至28733點,一共上升了236點,上升了236點算不算翻身,大家自己評論一下吧。

接下來的八月份,近十年的統計如下:

2008  -1718
2009  -135
2010  -357
2011  -2367
2012  -32
2013  -249
2014  +9
2015  -2886
2016  +842
2017  +1115

一共錄得了 37跌的紀錄,其中有三次錄得10%以上的跌幅,災味甚濃。 今天是201882日,計及731 81及今天為止,已經下跌了過千點,真係不可以掉以輕心...


2018年8月1日 星期三

滅絕師太 vs 老美狂侵


最近看完金庸的巨著--倚天屠龍記,發現當中一個惡毒人物與與現代的老美狂浸性格不謀而合,他就是小說中嘅滅絕師太。

峨嵋派: 號稱名門正派,是六大門派之一。 打著名門正派的旗號,背地裡做威逼惡毒嘅詭計。[好似現代的老美強國,用軍事威嚇別人]

性格: 心狠手辣,為了達到目的而不擇手段,喜愛殺戮,有稱霸武林的野心。[與老美狂侵性格一樣,不知道這些魔鬼的惡毒是如何煉成的]

謀殺愛徒--紀曉芙(不願意殺死楊逍而遭師傅滅絕師太殺掉) [不願意與老美狂侵同流合污而離職或被離職的大有人在]

欲斬草除根: 殺死愛徒紀曉芙後又欲殺楊逍和紀曉芙年僅八歲的女兒楊不悔,楊不悔得張無忌藏身躲過一劫。[惡人的惡計未必能夠一一實現]

惡毒事件: 光明頂一戰,用倚天劍大顯神威,殺掉明教眾多教眾[老美發起禁制令,貿易戰等,殺掉商業者眾多,亦令到眾多投資者蒙受損失]

迫令他人發毒誓: 臨死前一刻迫另一愛徒周芷若發毒誓殺張無忌。 [不知道老美狂浸臨死前會做什麼壞事呢?]

結局: 拒絕張無忌的幫助,自己摔死於萬安寺塔[惡人壽終正寢,死於非命,大快人心]