今日港股經歷了一次小股災，如果你問我見底未，我會回答你: [我點知呀! 你要問下個美國狂人好過。] 一次又一次用強暴的方法打壓全世界，整完中興，原本以為罰重款冇事咩 (其實已經重傷入 ICU)? 罰完你又再計劃整死你。 除左想整死你中興咩? 上次已經話對中國 500億的貨品開額外關稅，果頭都未開，這頭又變了 2000億美元的貨品開額外關稅，不如直接同中國講你每年送3幾千億美金比我洗下仲直接 la，不用攪咁多東西出來。 反正美國的軍事比你強，問你死未?
講完全球最惡的惡霸，等我講下香港的動物園先，話說今天香港的動物園有鱷魚出沒，咬死了一大批牛仔，大隻牛又死，未養熟嘅牛又死，今次真係有排都未有牛 BB 出世 la。 看看香港的動物園內仲有幾多牛仔僥倖生存先，嘩! 原來真係死得咁慘，連重貨區 29300-29399 的街貨數目得返 94張期指(正常有幾百，有時更多至千張)，真係可以話係清倉咁款，照咁睇鱷魚應該食飽飽掛，但係會唔會再來發惡咬牛? 真係又要問問養鱷魚果班人 la。
牛熊街貨比例
😄 比喻貼切
回覆刪除上年年中有住點頭朋友話晌騰訊牛仔身上賺左份首期，可以上車了。雖則唔熟，但我當然叫佢賺夠就快D上車啦。希望佢真係上左車，唔係的話，睇嚟都好難唔成為鱷魚點心了...
回覆刪除當然可以在賭場上贏錢嘅確有人在，但畢竟呢個係小數。 我追求嘅唔係僥倖一次成為暴發戶，而係追求細水長流嘅長遠利益。我識嘅朋友一樣有人喺馬場贏大錢，但係最後就... 唔講你都知發生乜事啦。
刪除有一啲投資(投機)嘅產品，以前唔知嗰陣就玩過下，而家人大左，真係點都唔會再掂，當中當然包括動物園入面的動物 la。
牛死牛還在，牛熊比例大約有8成的時間維持向6牛4熊上，證明市場上大量人還在睇好後市
回覆刪除雖然也有博反彈的，但係長時間維持6:4，大家都相信牛市未死
唉，但我已經由相信牛市未死轉變成懷疑了
唔知大家點睇
BTW真係無乜必要玩動物，做下期指Options風險細好多
如果一月，五月，六月有同財自兄企同一陣線都應該有唔錯收穫
可惜我無T.T
何時股災真係冇人可以準確定計，最緊要係任何時候投資都瞓得著覺。
刪除我都無大收穫嫁，只係把投資當一盤生意營運收下生活費。 就算個市唔開3,5,7年都唔會餓死就算嫁 la。
財自有方兄, 當心股市已由牛轉熊之變化
回覆刪除謝謝你的溫馨提示。
刪除