踏入2019年，財自極少進行買賣，大致上都係坐定定喺度，只有小量期權交易 (最近一次嘅交易就係呢兩日，入咗少少 short put 工商銀行 $5.75 April，收咗千零蚊期權金洗下，如果真係唔好彩跌穿行使價嘅話接咗佢等佢派息都唔錯)，賺返一些零用錢洗下，點解會咁㗎呢? 就係一個字--等! 等乜嘢呀? 就係等製造麻煩嘅人消失囉，權力欲極重嘅老美狂侵製造左一個貿易戰出嚟，自自然然就係等佢自己消失啦，一係等個貿易戰自己消失，又或者等製造者消失。 而家嘅市況，市場傳言貿易戰會消失(財自半信半疑)，個市就可以升到接近三萬點啦 (我都唔知點解差一點都唔升上去)，如果有一日落實執行的話，股市會走到幾遠呢? 2018年初嘅時候股市去到三萬三千幾點，突然殺出一個貿易戰，就係咁就跌到去二萬四千幾點啦，如果呢個因素唔存在嘅話，三萬三千幾點肯定絕對唔會係今次升浪嘅終點。
財自嘅著眼點唔係喺貿易戰身上 (財自極度懷疑老美狂侵嘅誠信)，而係等待麻煩製造者嘅自我消失，這位老伯伯都七十幾啦，佢仲可以做多幾多年獎門人呢??? 當老美狂侵冇得再做獎門人嘅時候，財自估計會有一波極燦爛嘅煙花出現，我依家就係等待燦爛的煙花啦!
財自身邊有一些朋友今年嘅花紅相當可觀，手持大量現金但喺低位嘅時候又冇入貨，而家真係唔知做乜嘢好? 其實手持大量現金係會畀蟲咬㗎，又或者會生銹㗎，最好嘅做法就梗係將啲現金變做其他資產 la，如果真係唔知買乜嘢嘅話，畀我就入曬短期嘅美國國庫債券，一嚟唔會鎖死你嘅流動性，二嚟仲會有債息收，何樂而不為呢?
我都想有牛3出現呀,最好年尾爆上到35000點
回覆刪除希望 la! gogogo!
刪除買入美國ETF(PTLC)是不錯的選擇,因為這ETF會在美股升穿牛熊分界線就買入標普成分股,跌穿就沽貨買入美國國債.
回覆刪除開心火柴人，謝謝你的資料，我認真看看先。
回覆刪除我對美股認識不深，只知道買美股要付增值稅及股息稅，ETF 是否也一樣? 請問一下你知道詳情嗎?
ETF香港人都要付30%股息稅,大陸人就只需10%
回覆刪除short put 工商銀行 $5.75 April <<< 成功收哂了 E個方法不錯 就算真係接貨都可以食到六月的派息 睇黎5月又可以咁樣做 4月中下我都做左中移動75SP即月 上星期五亦都做左12 48 SP
回覆刪除係呀，一年一次的內銀派息時間又到了。 我今天做 SP939，可惜入唔到...哈哈!
刪除講唔講得做咩價位呀?一係$7 一係$6.75 如果$6.5得好少期權金
刪除都入唔到，做什麼價也無用 la，哈哈! 原本想 SP$6.75
刪除但今日成左 1288 SP$3.5， 少少地食 d 時間值，穿左仲好，可以入貨!