陪月辛酸。血。淚。屎@ 神奇奶奶 1

今天在 FB 見到一個故事，真係笑到我肚痛，借呢個機會，又同大家分享一下:

第1日開工。

買好餸，去到客人樓下，打電話通知1聲。

我：你好，我係陪月EE，我已買好餸到你樓下，依家上嚟。

新手媽媽：好，5該晒。不過，我之前講過，我奶奶好神奇，你5好嚇親。

我：Ok喎，我應該頂到。

收線後，我就坐上樓。

神奇奶奶已在門口開住門等我。

我：嫲嫲早晨，我係陪月EE。

神奇奶奶：早晨，你企度等1等先。(好大既官威同煞氣)

說罷就轉身入屋，大門同鐵閘都無關上。

我兩手揪住幾大袋餸，身水身汗咁企在大門。轉眼10分鐘過去， 唱咗3次跪在大門後，還未見有人出來示意我入屋。

再過2分鐘，我見到神奇奶奶攞住個化寶盤出嚟，放到我腳底。然後點著1啲衣紙。

神奇奶奶：你檻過火盆先好入屋。

我唯有照做。

心諗：我放監出冊咩=_=

神奇奶奶：檻咗火盤算自己人。

我黑人問號咁既樣，自己人？踢我入咩會？精油定噴噴？

入到屋，我除鞋放底餸，換件衫洗手睇下BB先。

新手媽媽：我奶奶無野，係有啲傻習俗。

我：5緊要，我頂5順會出聲。

我行近BB床，打算抱起BB。

神奇奶奶：你對波5好掂到我個孫吖。

我笑到肚震：咁樣我應該點抱呢？

神奇奶奶：你對波咁大! 掂到我個孫，佢習慣咗你陣味，就屎伙喇!

到時阿B5食佢老母啲奶都5知點算!

我第1次咁直接被人讚身材好!

我屎忍住笑：梗。。。梗係5會喇，BB1定分到邊個係媽媽。

我抱咗陣阿B，又教咗媽媽點樣正確姿勢埋身餵。跟住就入廚房煲湯整餸預備午餐。

神奇奶奶走入來問我：坐月婆係咪要飲黑狗茶？

我：黑狗茶? 我有無聽錯?

神奇奶奶：係吖! 黑狗茶! 我聽街市雜貨鋪事頭婆講囉。

我笑到癲左：係黑豆茶吖嫲嫲。炒咗啲黑豆焗水飲，5係黑狗吖!

神奇奶奶：哦! 我仲諗住得1個仔1個新抱，屎就屎喇，返大6買隻劏咗攞返嚟。

我嚇到飆晒冷汗：5好吖，狗仔咁得意!

煮好飯開出嚟比新手媽媽同神奇奶奶。

今日煲咗青木瓜梭羅魚湯幫助新手媽媽上奶。蒸海魚、雞柳炒3色椒、烚菜心。

神奇奶奶攞隻豉油碟仔出嚟，夾左紅黃綠椒各1塊，蒸魚上面啲蔥1片薑，同埋2條菜心。

神奇奶奶：呢啲分比你食，你入廚房搵張凳仔坐低食。

我：我5洗喇，通常我自己帶左午飯。

神奇奶奶：咪住先! 煮比我哋吔既5食？你落左藥吖？想整暈我哋然後偷野？

新手媽媽黑晒口面：喂吖，夠喇! 你想佢攞電視定雪柜走？

神奇奶奶：咩喎! 依家大6好多呢啲人落嚟搵食。

世事都被神奇奶奶看透了。

我笑到流眼淚：好喇，我食喇! 我係100%香港製造既香港人。

新手媽媽：5好意思，我奶奶個人諗野比較奇怪。

我：5緊要喇! 笑屎我!

午飯後，我幫阿B沖涼。

神奇奶奶1見阿B落水，邊攞手機出嚟影相拍短片邊叫： 阿B戇鳩啲戇鳩啲! 戇鳩啲呀! 

(對5住，我都5想出呢2個字，但5出呢2個字你地係5會明🤦‍♀️🤦‍♀️🤦‍♀️)

我轉1轉阿B個身洗背面，神奇奶奶又叫：阿B再戇鳩啲戇鳩啲! 個頭仔再 *岳高* 啲吖!

我好彩無笑到鬆手跌左阿B落水

🤣🤣🤣🤣🤣

我絕對無歧視大6人!


Remark:
以上文章來自陪月辛酸。血。淚。屎，如果版權是屬於你的話，請通知我，我將會刪除資料。