南北韓的和平新開始

南北韓的和平新開始

真係估佢唔到，在中國東北方的一個民族，1950年代開始自相殘殺，直到昨天 (2018年4月27日)，終於齊齊宣佈停止多年來的敵對狀態，講緊嘅係金家的第三代傳人(北韓領導人金正恩)，而另一個就是當年戰爭時逃難的難民後代(南韓總統文在寅)，究竟佢哋係乜野葫蘆賣緊乜嘢藥呢? 財自這些星斗市民當然不知道啦，但係和平總比戰爭好，唔知道大陸與台灣何時有這個宣告呢? 真係非常期待，熱烈的期待。

北韓人民貧窮了多年，一直也是依賴中國以及俄羅斯的援助，人民窮到冇飯開，領導人就食到肥肥白白，希望他們這個宣告係一個真正好嘅開始，令到當地的二千五百多萬人有美好的生活。

另一邊廂，世界警察唔知會唔會因為呢個原因而少賣武器到南韓呢? 當地的狂人支持者(這裡指軍火商) 會唔會因此就忍氣吞聲? 財自嘅想法係否定的，以狂人的一貫做嘢方式，他們應該會繼續挑起事端 (狂人一上任就搞墨西哥，俄羅斯，中國，敘利亞，伊朗等等等等)，繼續唯恐天下不亂，天下一亂他們的軍火生意就有出路了。

經濟方面，如果北韓與南韓真係可以達到永久和平的話，他們可以為北亞地區提供大量的廉價勞動力，如果這個估計正確的話，身在亞洲的香港相信也和能夠獲得一定的幫助和利益。 財自估計北韓將會有翻天覆地的改變，到時香港將會可以買到made in北韓的東西，真係熱切期待。


金正恩、文在寅世紀握手