走佬去馬來西亞 day1

中午12點喺香港國際機場出發，經過四小時嘅飛行時間，就到達馬來西亞嘅首府吉隆坡國際機場，

由於一行五人仍然未吃午餐的關係，落機嘅時候急不及待尋找可吞吃的，一去到離境大堂第一間見到嘅餐廳就係舊街場白咖啡 (老闆沖咖啡沖到變咗上市公司，聽聞已經賣盤了，真係如果你很努力的話做乜都可以做到你發達)，

簡單食個午餐 / 下午茶之後，

就去我哋預先租私家車嘅店舖取車，圖中見到就係陪咗我哋五日嘅七人車 (HKD1,000左右，5天)。

馬來西亞嘅汽車都係右軚嘅，道路嘅設計跟香港基本上係一樣，只要你有個國際車牌就可以輕鬆駕駛，不過今次有本地朋友都唔輪到財自揸車喇 (完全唔識路叫我都唔知點，哈哈)。 經過大約三四個小時嘅行程我哋終於到達怡保(如果唔係塞車嘅話應該可以快一小時)，到達怡保嘅時候已經係晚上八九點左右我哋又開始搵我哋嘅晚餐，本地嘅朋友帶我哋去咗一間叫做東區旺角茶餐室嘅餐廳，

佢話呢度係當地好出名嘅食街，去到咁出名嘅食街梗係要叫一啲地道特色嘅美食--魔鬼魚，超級超級好食，魚肉非常嫩滑，連平時唔食魚嘅財自都喜歡左佢，哈哈! 食過晚餐後就去到當地朋友預先幫我哋安排嘅民宿休息，

準備第二天的行程。