送餐平台唔易做

財自而家做嘅工作係喺一間外送平台裏面做車手，今日返咗三個半小時，一共送咗出七單食物到客戶手上，即係平均一個鐘頭兩單左右啦，而所有餐嘅金額如下:

80.00

96.00

200.00

93.00

135.00

153.00

81.00

-----------

838.00

======

一般情況外送平台將會收到餐廳銷售金額的 30% 作分成，即係一共 $251.40，而喺呢三個半鐘裏面財自嘅薪金大約係 $390元 (包括鐘錢 + 單錢 + ot錢)，即係話外送平台一共蝕本大約 $140元左右(未計寫字樓嘅營運開支)。  當然，這些數字不能準確計算整個外送平台的收入，因為有時送一餐已經成千蚊的金額 (外送平台都已經可以分到 $300.00 作分成 )，但係已經可以簡單話畀你哋聽，這一行業絕對唔係賺錢嘅行業，而喺香港有一間外送平台的上市公司，他的主要業務範圍在中國，相信大家都知我講緊係邊一間，這樣的行業大家仲會唔會投資呢? 如果你認為這一個行業值得投資的話 please go ahead，但係財自唔會囉。

點樣開始做大被動收入

點樣開始做大被動收入

今日突然有一位朋友喺 whatsapp 嘅 group 入面問我--點樣開始做大被動收入? 簡單講被動收入即係你唔使點樣做任何事情，啲錢都會自己湧埋嚟。 呢方便我唔係專家，但也可以講講自己的意見:

今時今日講投資嘅人教你如何買賣，什麼什麼價位買入，什麼什麼價位賣出，教你如何賺取差價， 圖表派，技術分析，什麼 macd，rsi，陰陽燭，成交量等等等等，這些都不是賺取被動收入的方法，就算畀你咁叻成功撈底並且喺高位沽出從中獲利，這極其量也只算係主動收入嘅一部分，今時今日主動收入最大部分嘅當然都係打工嗰份人工啦。 咁究竟點樣先可以開始造被動收入呢?

我嘅答案係你沒有任何被動收入之前，都係先要努力賺取主動收入，扣除你生活所需之後，盡可能買入一些會生金蛋嘅雞，至於什麼雞會生金蛋呢? 這方面每個人嘅答案也不同，有些人認為樓係最容易生金蛋嘅 ，有些人認為股票係會生金蛋嘅，有些人認為債券會生金蛋嘅，有一些人認為做生意係會生金蛋嘅 ，也有一些人認為外匯係會生金蛋嘅，這方面我沒有意見，因為我覺得會生到金蛋嘅雞就係生金蛋嘅，我們沒有必要分類。

我朋友嘅問題係點樣開始? 我認為係散戶最容易接觸到又最容易進入到的市場開始，就係股票市場，因為透過月供股票 500 蚊都可以有交易，在你未完全財務自由之前，月復月，年復年買入這些會生金蛋嘅雞，終有一日你都可以財務自由而不需要再為金錢憂慮。但係大前題係你要有足夠的耐性並且有十足的恆心，不要因任何嘅事情而改變你嘅投資習慣。 至於買入什麼股票，很抱歉我沒有號碼提供，我只係可以講今年派 $1.00 股息，出年會派 $1.10 股息，後年會派 $1.20 股息嘅就係非常非常好嘅股票， 呢個係最重要嘅原則，因為你買入嘅股價會隨住佢派息嘅增加而上升，即係該股票嘅價值係會自我膨脹。 相信你搵啱股票嘅話，你日後絕對可以富足一生。

29999

踏入2019年，財自極少進行買賣，大致上都係坐定定喺度，只有小量期權交易 (最近一次嘅交易就係呢兩日，入咗少少 short put 工商銀行 $5.75 April，收咗千零蚊期權金洗下，如果真係唔好彩跌穿行使價嘅話接咗佢等佢派息都唔錯)，賺返一些零用錢洗下，點解會咁㗎呢? 就係一個字--等!  等乜嘢呀? 就係等製造麻煩嘅人消失囉，權力欲極重嘅老美狂侵製造左一個貿易戰出嚟，自自然然就係等佢自己消失啦，一係等個貿易戰自己消失，又或者等製造者消失。 而家嘅市況，市場傳言貿易戰會消失(財自半信半疑)，個市就可以升到接近三萬點啦 (我都唔知點解差一點都唔升上去)，如果有一日落實執行的話，股市會走到幾遠呢? 2018年初嘅時候股市去到三萬三千幾點，突然殺出一個貿易戰，就係咁就跌到去二萬四千幾點啦，如果呢個因素唔存在嘅話，三萬三千幾點肯定絕對唔會係今次升浪嘅終點。

財自嘅著眼點唔係喺貿易戰身上 (財自極度懷疑老美狂侵嘅誠信)，而係等待麻煩製造者嘅自我消失，這位老伯伯都七十幾啦，佢仲可以做多幾多年獎門人呢???  當老美狂侵冇得再做獎門人嘅時候，財自估計會有一波極燦爛嘅煙花出現，我依家就係等待燦爛的煙花啦!

財自身邊有一些朋友今年嘅花紅相當可觀，手持大量現金但喺低位嘅時候又冇入貨，而家真係唔知做乜嘢好? 其實手持大量現金係會畀蟲咬㗎，又或者會生銹㗎，最好嘅做法就梗係將啲現金變做其他資產 la，如果真係唔知買乜嘢嘅話，畀我就入曬短期嘅美國國庫債券，一嚟唔會鎖死你嘅流動性，二嚟仲會有債息收，何樂而不為呢?

意想不到的危險

財自而家嘅工作係揸電單車送外賣，市區直路最多行50km ， 轉彎唔會劈住去， 安安全全慢慢做， 輕輕鬆鬆又收工， 盡量將一切危險減低。 但係今日就發生咗一件事, 真係做呢份工之前冇諗過會發生嘅: 話說今日去到一個紅綠燈位，汽車係綠燈，行人係紅燈，但係條路實在太多人啦，啲人四方八面喺行人路湧出過馬路，完全當我唔存在 (我當時只係行緊五至十公里)，正常反應梗係響安，示意啲人唔好再衝燈啦，點知突然間，有個男人踢我部車，仲用純正嘅廣東話鬧我： 你砵乜 X 嘢呀。 我睇佢個樣唔似係一個精神病人嘅樣，而係一個正正常常嘅男人, 仲拖住個女仔 （真係鄧個女仔可憐, 識到個咁嘅男朋友）， 我原本諗住打三條九報警，但係想多一想，佢踢我部車，我部車都冇損毀，而且我又趕緊去送餐，都係算數 (如果導致交通意外發生除外)。

究竟係今時今日嘅香港人質素下降？ 還是我只係遇到個別嘅例子呢？ 香港嘅公民教係唔係需要改進呢？ （想到呢度諗起剛剛發生一間學校嘅校長逼到一位老師走上絕路，校長都係咁啦，學校教出嚟嘅人又好得去邊呢？）

股票市場風雲不定，所有事情嘅發生都唔會有常理嘅可以判斷，當老美狂侵要用貿易戰強攻中國嘅時候，有幾多人可以估到股市會上升5000點？ 很多情況都係意想不到，如果你嘅思維係經常估計上升或者下跌而去買賣的話, 真係有好多意想唔到嘅危險會發生，大家真係要小心啦！ 我買股票嘅邏輯係不會估計大市嘅上落, 而係有實質性嘅上升或者下跌嘅時候才出手, 或者係機械式嘅買賣，這樣可以減少人為上的錯誤與及避免意想不到嘅情況發生, Good luck!

香港人壓力高易爆煲

今天早上去 M記吃早餐的時候，聽到有個男人用粗言穢語，喺度xyz交叉個職員，話佢係傻嘅，超級大聲，全餐廳嘅人都聽到，仲要同其他客人說，你哋唔敢鬧佢，等我嚟鬧佢，想打佢添呀...  (財自估計: 該男人精神有問題)

今天下午去美心mx 吃午餐的時候，隔離枱有位男士，佢份餐食咗兩啖，飲完杯凍飲跟住就同隔離位小姐講，我行開一陣，你幫我睇住個餐唔好畀人收咗呀。 等咗幾分鐘都唔見過男人返嚟嘅? 原來嗰個男人走咗去取餐處取另一個餐，去咗另一張枱度繼續佢嘅午餐... (財自估計: 這個男人精神是有問題或是故意欺騙餐廳，趁人多的時候食免費午餐)

今天看到一單新聞，話說天水圍東華三院李東海小學懷疑因工作壓力關係，在學校內墮樓身亡。 該位老師壓力爆煲，唔想谷到精神病，選擇了輕生...  其實在我看來，死嘅不應該是這位老師，而是向他施展無窮壓力嘅人渣。(財自遇過類似嘅人渣，完全明白這位老師嘅壓力，但係死真係不可以解決問題，你死咗，呢啲人渣仍然坐在權位，仍然會有一批無辜嘅人受到壓力，如果你真係無法承受這些壓力的話，退一步真係海闊天空)

財自想法: 唔想做人谷到精神病又或者係壓力爆煲的話，最好就係揀一啲自己興趣嘅工作啦! 人生嘅事情不單止係工作賺錢，有時都要培養下自己嘅興趣，甚至乎係靈性上嘅修為。我都係比較喜歡做一個開心嘅香港人啦 ^_^

相關新聞:

欠債而生的家庭悲劇

這幾天看報紙, 重重覆覆都看到有家庭悲劇 (主要也是因欠錢嘅關係而輕生), 而家嘅市況上升幾千點佢哋都可以輸大錢, 仲要賠上自己嘅性命,  真係令人拗爆頭, 財自估計佢哋係向下炒或買了衍生工具, 其實投資炒股已經唔係咁好啦(唔好嘅原因係絕大部分嘅散戶都會輸錢), 佢哋仲要向下炒或買了衍生工具, 真係笨...  唔單止輸咗自己啲錢, 輸咗自己條命, 仲要輸埋家人條命 (其實佢哋有冇搞錯呀, 自己死都要搵埋屋企人一齊死XYZ#@$&) , 真係...  財自奉勸大家唔好以為自己好叻而去炒股, 千萬千萬千萬唔好再炒股票啦。

相關新聞

越嚟越鍾意揸車嘅工作

財自做咗電單車送外賣嘅工作個多月，覺得愈做愈輕鬆，愈做愈好玩，日日去唔同嘅地方遊車河兼且賺外快，輕輕鬆鬆又一天。 人到中年，而家先找到自己喜歡嘅工作，真係好遲呀，但係遲搵到總比冇搵到好呀，有 D 人奔波勞碌大半生，為左搵兩餐頻頻撲撲，做到隻積咁嘅樣...    回想以前做寫字樓嘅工作，日日做到天昏地暗，120%嘅付出，只係得幾十 % 嘅回報，工作壓力又大，可以捱到十幾二十年，真係要畀個叻自己。 其實財務自由的定義每個人也不同，有啲人家財萬貫 (身家數以億計)，但係仍然要做一啲自己唔喜歡做嘅工作，另外有啲人身家唔多，但係就做一啲自己好喜歡嘅工作，究竟邊一個人先係自由呢?

股票市場經過一月份的急升，現在開始出現正常的回調，究竟係會衝上三萬點? 還是係跌到去二萬七? 呢個真係天曉得。 身邊嘅朋友很多都係每日估升升跌跌幾多點，升穿阻力會升幾多，跌穿支持會再跌幾多等等等等，有啲會喺度追蹤大戶喺乜嘢位入，乜嘢位出... 呢啲咁高技術含量嘅玩意，財自自問真係唔識點去玩，我淨係識得玩一啲好簡單嘅嘢，就係日日坐喺度收錢啦，大市急升嘅時候我咪做下short call囉，大市急跌嘅時候我咪做下 short put 囉，大市唔升唔跌嘅時候我咪收下股息囉，簡簡單單做下自己喜歡嘅工作，開開心心做下人生嘅快樂事，我就係咁簡單㗎啦。   

最後送一啲小禮物畀大家，就係第一次喺我公司訂餐嘅時候輸入這個優惠碼: lowbboss，付款嘅時候就付少50蚊啦，呢個真係好抵架，仲有條片比你地睇下 Tim，好好笑架 ^_^