當局者迷，旁觀者清
今天跟一位長輩吹水，聽他說說一些身邊朋友的經歷，真係給大家引以為鑑。 (以下的我 = 長輩)
我有個多年無見的舊同事跟我說唔開心，約了我出來飲茶，我就走去同佢飲下茶囉。 嘩! 原來無見一排，佢變回單身。 事情是這樣的，佢後生果陣在餐廳做侍應，我見佢人工不高，單身住公屋，就叫佢入廚房做，收入多少少，改善下生活都好。
佢成世人5，6十歲仲係單身一個，成日上大陸按摩 (我當時想9 成係唔正經果 d，點知比我估中左)，原來佢成日上去深圳找姐姐仔按摩，仲按出感情出來，更加決定跟這位姐姐仔結婚 tim (年約 30，仲要有個仔)，當時我們身邊所有朋友也不支持，更不看好他的決定，還跟他說這隻是雞，係人比少少錢都可以同佢攪野，咁你都要同佢結婚，唔係掛??? 你信下我地，唔好同佢結婚 la。 當然，這位廚房朋友大半生也沒人關心，現在有個年青貌美的姐姐仔投懷送抱，下半身作主的廚房男當然忍不到這個引誘，無理班 friend 的勸告，堅決要與這位年青貌美的姐姐仔結婚，仲申請佢地 (姐姐仔 and 佢個仔) 來香港住 tim。 誰知，申請到單程證後，與廚房男一齊住在公屋的姐姐仔與廚房男不和，極速決定要離婚…
事情還未完結，由於他們已經結婚，住在同一屋簷下，現在要離婚，法官把他們居住的公屋判了給姐姐仔 and 小朋友，要廚房男把公屋交出。 真係唔講的話，我相信大部份的香港朋友也不知道會有這個結果。 當局者迷，當初班 friend 的勸告沒有理會，更加落得如此下場。 如果當時願意聽勸的話會否改寫這故事的結局呢?
在人生路上或是投資世界，不知大家有沒有當局者迷?
從來結婚揀錯人 (例如去搵姐仔, SPEED DATE)等等求9其其都係出事居多
回覆刪除很有趣，謝分享，感情既世界就更加令當局者著迷呢^^
回覆刪除長輩仲有其他故事跟我說，一樣咁精彩! 有機會再寫，哈哈!
回覆刪除BLOG主你好
回覆刪除偶意讀到貴BLOG，著實百感交雜
本人三十有六，近兩三年才重新接觸股票，僥倖獲利，但炒股生涯日日擔驚受怕，現積極抽手，嘗試將重心轉至一些收息股，提高現金流。
本人非專業人士，十多年來嘗試為職業拚搏，無奈始終收入有限，在行內已屆頂薪，前路茫茫，還望blog主可分享邁向財自的經驗及心得，讓我可及時補改，知來者之可追。
先行謝過
炒股生涯日日擔驚受怕，我以往也是過這些日子。 現在主力買入收息的資產。
回覆刪除講到收息的資產，主要也是 reit，內銀，債券，期權(主力 short Put 或 covered call)。 個人認為只要有決心，努力認清目標，財務自由的路不難達到，但是需要對自己的投資目標有信心。 不要虧本，最要緊的是，不要虧本。 我身邊有不少炒股票的高手，但是他們需要付出的時間心力其實是極大，我情願慢慢的資本增值，加上穩定的現金流，精神壓力不大，不會因股價上上落落而影響心情。 這樣就會減少出錯的機會。 投資路上愈少出錯，就愈快上岸。 龜兔賽跑，龜跑得慢，但最終是勝利者。 其實我比你大幾年，很多東西也是學習當中，學習世上最勁的巴生，也學習成功的朋友，少看公仔箱的財演，必對自己有所得著。
狗年新年進步!
哈哈 在工作上經常見到這個情況出現 屋又冇埋了 都唔知點算好
回覆刪除可能佢初初會咁諗自己是零(單身)現在變一(有老婆HAPPY) 最多最後未變番零(離婚單身) 可惜佢估唔到自己會變負一(屋都冇埋)
香港人口愈來愈多 真係落黎香港團聚我不太反對 但好多上述既例子 一落到黎就離婚 同埋重有好多假結婚 可惜政府都唔正視問題 咁小市民既我地有咩可以做呢
我都係努力在股市中搵錢算啦 搵夠就做自己想做既野 可能移民都唔出奇
唐老鴨兄，加油!
回覆刪除