低學歷，低技術，高資產的低IQ人

低學歷，低技術，高資產的低IQ人

今日繼續講長輩吹水的內容，真係袋左好多人生的經驗落袋。 (以下的我 = 長輩)

我認識的一個朋友(又係廚房佬一名)，都成5-60歲人，個老婆幫佢生左4個仔女，點知佢老婆40幾的時候隻腳有事，不能再行路，佢就送老婆入安老院，話就話有人照顧佢，其實係收埋佢，唔好阻住佢出去搵食，送完佢老婆入安老院，就快快趣趣同佢離婚了。

話說這個廚房佬無什麼專長，只懂得把薪金用來投資起樓(20-30年前，10-20萬有交易果 d)，佢老婆專心幫佢照顧4個子女，大半生過蓍勞苦的生活，時間一天一天的過，廚房佬竟然可以慢慢地起到10多個單位，並且在強國的徵收土地政策下，突然間變成一個身家數以千萬計的財主佬，就在他發財其間，老婆的身體開始變得差了，財主心想，係時候比我去嘆世界了, 哈哈! 快快趣趣送隻老野入老人院先(財主佬 5-60，佢老婆40幾)，就係咁，老婆入左老人院，財主佬就去左溝女 la。 不知是否財主佬有財味，2-30 的強國女人也比他溝到手，仲幫佢生個慈菇椗，真係老夫少妻，有錢有樓，引來不少人的羨慕。 但係不知道是否因為強國少妻太強，同廚房財主佬說他仍然年青，有心有力，不如仍然在香港打份廚房工 la，廚房財主佬又 buy wor，繼續做佢的廚房佬工作，強國少妻又同佢講，佢成日在香港唔得閒北上收租的，不如把果 d 樓轉晒入佢名 la，廚房財主佬又 buy wor。 有得1，又有2，不如再來 3 la，強國少妻村中有兩佬，住的地方唔好 wor，不如幫佢地起返間屋，有地方比佢地養老，廚房財主佬當然又 buy la，還點都起樓，不如起間豪 d 大 d 靚 d la，最後廚房財主佬當然又 buy la。 就係咁，廚房財主佬的錢財比晒強國少妻，佢繼續做佢的香港廚房佬。

在這個時間，廚房佬在香港唔係有老婆，有 4 個仔女的咩? 原來原本的老婆比佢送左入老人院，4個仔女沒有因為老豆變了富豪而有 $1.00 的得益，又因他的行為與他反目，廚房佬的錢財比晒強國少妻，在香港只有一份廚房工作與公屋單位(無錯，幾千萬身家都可以住公屋)，年近 70的廚房佬與朋友飲茶時成班朋友同佢講，你係唔係食左迷藥呀，有錢都唔享受下，6-70歲人仲係度做廚房，你真係好喜歡你份工咩? 廚房佬無奈的回答說，無法 la，少妻鄉下間豪宅起完話無錢豪裝呀，少妻叫我繼續做住廚房工賺錢比佢豪裝呀。 廚房佬的朋友聽到之後一齊 O 咀。

唔知大家聽到這個故事有什麼感覺，財自覺得做人唔可以咁囉，做人有左錢，連老婆仔女都唔要，只係掛住溝女，比你溝到又點? 幾千萬身家又如何?